జ్ఞాపకాల ఆల్బం

జ్ఞాపకాల ఆల్బం తిరగేస్తుంటే....

     మరక పడ్డ చిత్రాన్ని చూసి.... 

          ఆప్యాయత కన్నీరు నింపింది.... 

               తొందరపాటు పశ్చ్యాత్తాపం చెందిది....

కాలం మనసుని తడుముతూ ఉంటే.... 

     మరపురాని గతాన్ని చూసి.... 

          అనురాగం ఆనందాన్ని పంపింది.... 

               నిరాశ స్వాగతం పలికింది....

అనుభూతుల డైరీ చూస్తుంటే....

     చెదలు పట్టిన పేజిని చూసి.... 

          అభిమానం వెన్నుతట్టింది.... 

               అనుభవం అంటిపెట్టుకుంది....

ఆలోచనలు మనసును తవ్వుతూ ఉంటే....

     బయట పడ్డ స్మృతులను చూసి.... 

          ఆవేశం సిగ్గు తో తల  దించుకుంది....

               ఆవేదన ఆర్తి గా వాటేసుకుంది....