కొన్ని కలలు కావ్యాలుగా మారి
హృదయం లో పదిలం గా ఉండిపోతాయి....
కొన్ని కలలు కల్లలుగా మారి
కంటి నీరు గా జారిపోతాయి....
కొన్ని కలలు కధలుగా మారి
కంటి రెప్పల మాటున మిగిలిపోతాయి....
కొన్ని కలలు కలతలుగా మారి
గాయాల్ని గేయాలు గా చేస్తాయి....
కొన్ని కలలు వాస్తవాలుగా మారి
జీవితానికి పునాదులు వేస్తాయి....
కొన్ని కలలు కవ్వింపుగా మారి
రేపటి మీద ఆశలు రేపుతాయి....
కొన్ని కలలు జ్ఞాపకాలుగా మారి
జీవితాన్ని ఆస్వాదింపజేస్తాయి ....
No comments:
Post a Comment